Gangaw Peng, Min Khua Palek Sakhaan An Kah Hna I Palek 5 An Thi
The Chinland Post | 2023 August 21 — Gangaw peng, Min khua ah a um mi palek sakhaan an kah hna i SAC kuttang palek 5 an thi tiah ABSDF Column 3 nih thawng an thanh.
Gangaw peng, Min khua palek sakhaan cu August 15 zinglei sml 5:00am hrawng ah an kah hna i SAC kuttang palek 5 an thi, PDF phufonh lei 5 an i hliam ve tiah an langhter.
Kahdohnak a can lio ah SAC nih kahdohnak vanlawng in 300lb a si mi bom lung 5 a rak thlak, Gangaw hrambunh hriamngan ralkap nih hriamngan an kah leng ah Myittha tiva nichuah lei in SAC ralkap 100 hrawng bawmhnak pek ding in an rat caah PDF phufonh lei cu zinglei sml 9:00am hrawng ah an hnu an kir ṭhan tiah theih a si.
Kahdohnak chung ah ABSDF B12, Gangaw PDF B01, B07, B11, B12, B14, Minbu PDF le Pah-Kah-Phah pawl an i bawm tiah theih a si.
About The Author
