Gangaw Pengkomh Ah SAC Ralkap Mawṭaw 48 Bom An Puah Hnawh Hna, 6 An Thi
The Chinland Post | 2023 August 14 — Magway ramṭhen, Gangaw pemg chung ah mawṭaw 48 in a rak lut mi SAC ralkap pawl an kah hna i 6 an thi tiah KTU PDF nih thawng an thanh.
August 8 ah SAC ralkap pawl cu Gangaw pengkomh ah a um mi Agyipanpalwin khuate ah zaan an riak i a thaizing zinglei sml 10:00am hrawng ah Agyipanpalwin le Anyapan khua karlak ah Kyaukhtu PDF No. 8/9 nih Remote bomrap lung 15 in an puah hnawh hna caah SAC ralkap 2 an thi, 3 an i hliam tiah theih a si.
Cu ni zinglei sml 10:21am in 10:45am tiang SAC ralkap pawl cu dothlennak phu pawl nih meithal in an va kah ṭhan hna i ralkap 1 a thi 2 an i hliam tiah theih a si.
August 9 ah SAC ralkap pawl cu Tapin khua hnulei an phak lio ah timh cia tein an hmanh cang mi bomrap lung 16 in an puah hnawh ṭhan hna i SAC ralkap 3 an thi, 7 an i hliam tiah theih a si.
Kahdohnak chung ah Kyaukhtu PDF Gangaw pengkomh No8/9 Battalion le Kyaukhtu mipi vengtu phu hna bawm in kahdohnak an tuah i mipi hriamtlai pawl an him tiah tiah theih a si.
About The Author
