H1N1 Zawtnak In Minung 116 Tiang An Thi: Chin Ramkulh Ah Zawtnak Hrik Ngeimi 6 An Um

TCP-Thantlang|2019 October 21| Kawlram chungah khua caan nih a chuahpi mi zawtnak H1N1 in minung 116 tiang an thi cang, cu chungah Chin ramkulh chungah zawtnak hrik a ngei mi minung 6 hmuhchuah an si tiah ngandam nak le zaanglek nak tawlrel tu zung(Ministry of Health and Sport) nih October 18 ni ah thanh ca a chuah.

Hi zawtnak cu tukum 2019 January thla 1 in October 18 cazin tiang ah  a thimi a tambik cu Yangon ramthen in minung 68, a pahnihnak tambik Irrawaddy ramthen in minung 14 , Pago ramthen ah 11Mandalay le Sagaining ramthen chungah minung 5 veve, Magway ramthen ah 4, Mon ramkulh ah 3, Rakhine ramkulh ah 2 le Naypyitaw, Kachin, Shan ram ni tlak lei le Thaningthayi ramkulh ah minung 1 cio tiin an thi hna.

Ramkomh huap in zawtnak a ngei mi minung 778 an si i a thi mi 116 tiang an phan cang. Cu chungah Chin ramkulh chung in zawt ngei tiin luunghrinh mi minung 9 han cu chek hlat nak an tuah tik hna ah minung 6 cu zawtnak hrik a ngei tiin an hmuhchuah hna hi a si. (Ref: Ministry of Health and Sport ,One News)

 

Leave a Commnet

%d bloggers like this: