Hakha Innhmun Thar Tukum Chungah Ekah 300 Leng An Samh Lai

Salai Elvis| 2018 January 21| Hakha khuapi ah innhmun thar ekah 100 samh a si pinah tukum chung lila ah ekah 200 leng inn hmun thar samh chap than ding zong an thok colh lai tiah tuanvo ngeitu sin in thawng kan theih.

“Atu innhmun thar kan samhmi hi ekah 100 lawng a si rih, a tlawm te lawng si rih, hi nak let hnih ekah 200 leng hmunhma a tang rihmi ah ningcang tein kan samh khawh ahcun, hmun a thatdeuhnak zong a si tikah inn 1000 hrawng samh ahcun 300 hrawng khi sing 30 in zuarh hna i inn tha a sa khomi lawng pe hna u si law mah tangka lila khan lam le sul, luti luannak vialte kha remh u si law ti saduhthah a si. Cuti innhmun 300 hrawng zuar i khoika khua ummi paoh nih cawk khawh a si lai. Mi pakhat nih a cawk i a zuar than ah cun kan chuh than hna lai i an tangka zong kan khirh than hna lai. Cu lo cun sangthar pakhat kan samh tikah nuhmei le ngaktah deuh lawng te hna an um ah cun a zoh zong chia. Samh vekvek ah cun mirum zong um hna seh inn thatha zong um seh, santlai lo zong an um ve lai, cuti aa ruang tein umter hna ding in timh tuah a si. Cu lawng ah cun sang le veng a thangcho lai i aa dawh lai” tiah Hluttaw Speaker Pu Zo Bawi nih The Chinland Post ah a chim.

Ramdang in Laitlang a rak tlung mi, a bik in Malay le India ram in a tlungmi hna ca zong ah hmun zuahpiak chung an si. Hakha khua a langh dihnak tlang pakhat ah Vice President le upa te nih ruah chungmi le an duhmi zong a si tiah theih a si. Hakha cu khuapi a si tikah inntung karh u si, minung a sing in um u si ti saduhthahnak he samh an timhnak cu a si tiah Pu Zo Bawi nih a bia peh pah in a chim.+++

Leave a Commnet

%d bloggers like this: