Avoi 2nak Hakha Khrihfabu Kip Pumpululh Chuih Champion Cu SBC Nih An Co

Salai Cung Cung|2018 June 11| Chin ramkulh Hakha ah tuahmi Hakha Khirhfabu kip (Town Churches) Pumpululh chuih champion laksawng cu Senthang Baptist Church (SBC) nih an co. Thiamhlei laksawng (best player) phunthum zong an co chih tiah kan theih.

May 22 in thawkmi Hakha Khrihfabu kip pumpululh chuih zuamnak final cu June 11 ah SBC le FMC an chuih. SBC nih 1-0 an tei hna caah champion an co.

Tukum Hakha khirhfabu kip pumpululh chuih zuamnak ah pumpak in laksawng ahmuhtu hna cu, hmaikal ah Van Bawi Thawng (FMC), alaikal ah Biak Lian Thang (FMC), a thiambik laksawng ah Pa Salom (SBC), Goalbawh ah Pa Van Bawi Kam (SBC), hnukham ah Pa Van Dawt Thang (SBC) an si . Cun Senthang Baptist Church nih pakhatnak laksawng ks. sing 5 le Seal kan hmuh” tiah SBC Coach Uk Peng Thang nih The Chinland Post ah a chim.

“Hakha Khirhfabu kip Pumpululh chuih zuamnak an thawk lai zarkhat aa duh ah SBC kan Biakinn tang ah pumpululh a chuihtu ding paoh hmunkhat te ah zarhkhat chung camp ah kan chiah hna” tiah abia peh ah chim.

Hi Hakha khirhfabu kip (Town Churches) Pumpululh chuih zuamnak cu May 22 in thawk asi i June 11 atu ni ah a dih. Senthang Baptist Church nih Sing 5 in pakhatnak laksawng an hmuh, Free Methodist nih pahnihnak laksawng ks. sing 3 an hmuh ve.

Avoi 1nak Town Churches pumpululh chuih zuamnak cu Free Methodist nih pakhatnak le Zion nih pahnihnak an rak co. Avoi 1nak ah cun Phu 21 an rak chuah kho i avoi 2nak cu phu 15 lawng an chuak kho. HBA ramchung an i tel khawh lo caah tukum cu an tlawm deuh tiah kan theih.

Na ruahning rak langhter ve.. (Leave a comment)

%d bloggers like this: