Hakha khua ah hriamngan ruangah mipi 4 an i hliam

The Chinland Post | 2022 August 31 – Chin ramkulh, Hakha khua, Hakha thar sang lei ah August 30 zinglei sml 6:00am hrawng in sml 2 leng kahdohnak thawng a than hnuin SAC ralkap nih hriamngan an kah i khuami 4 an i hliam i mipi inn cheukhat a rawk.

Lam 6 tonnak lonh Tiphul kalnak lam lei ah a ummi inn pakhat cungah hriamngan a tla i a puah ruangah inn chungah rawl a ei liomi mipi 4 an i hliam tiah theih a si.

Hliam a tuarmi pawl cu SAC ralkap nih sizung ah an kalpi hna tiah theih a si.

A luancia August 10 zongah Hakha khua Ministers pawl umnak inn pawngah a cangmi kahdohnak lioah SAC ralkap nih kahmi hriamngan ruangah kum 60 nu pakhat a rak thi cang.

Na ruahning rak langhter ve.. (Leave a comment)

%d bloggers like this: