April 1 In Hmatpungtin Pakhat SIM Card Pahnih Cung Tlaih Khawh A Si Ti Lai Lo

TCP-Thantlang| 2019 March 23| April 1 thok in rammi sinak hmatpungtin (NRC) pakhat in Phone SIM Card pahnih cung tlaih khawh a si ti lai lo pin ah SIM Card pahnih cung aa tlaih mi paoh phihkhar piak an si cang lai tiah kan theih.

Cozah nih SIM Card hmanpungtin (Register) cu 2016 kum August thla thok in tuah dingin nawl a rak chuah bal. A tulio ah cun hmatpungtin pakhat in SIM Card Register tuah in a phunphun an i tlaih pin ah midang sinah zuar le Register tuah lo mi SIM Card zong duh paoh in an i tlaih caah hi kongah cozah lei nih Mobile Phone hmannak kong ah mizapi humhimnak a hnursuan lai phan ah a tubantuk in rengh an timh hi a si.

SIM Card hmatpungtin (Register) tuahnak ding caah a herh mi hna cu; Min, hmatpungtin (NRC)Number asiloah Sianginn kainak Card/ Driving License/ Passport No.(ramleng mi hna caah), Pa le min, chuah nithla le kum, Zeibantuk miphun, Nu/Pa le umnak hmunhma kong tibantuk a herh mi cu a si.

April 1 pinlei i SIM Card thar aa cawk mi hna nih a rak hman thing mi he pahnih cung a si sual ah cun a thar aa cawk mi cu cunglei pehtlaihnak zung lei nih an phih piak hna lai tiah kan theih.

Ref: kumudra, The Mirror

Na ruahning rak langhter ve.. (Leave a comment)

%d bloggers like this: