Hngakchia 5 million le cheu leng nih bawmhnak an herh tiah UNICEF nih a chim
The Chinland Post | 2023 January 3 – Myanmar ram ah hngakchia 5.6 million leng nih bawmhnak an herh tiah UNICEF nih January 2 ah a thanh.
Ramchung hriamtlaih buainak a karh chin i hngakchia 5.6 million telh in minung 17.6 million nih bawmhnak an herh tiah UNICEF nih a langhter.
UNICEF nih hi hngakchia pawl a lam kip in bawmh khawh nak hnga USD $ 169.6 million a herh tiah a chim.
UNICEF nih a langhter ning ah bawmhnak a herh mi 17.6 million chung ah 2.8 million sin lawng ah bawmhnak a phanh khawh rih bantuk in hngakchia 5.6 million chung in 1.9 million sin lawng ah bawmhnak a phan rih tiah a langhter.
Save the Children cazin chung ah Bangladesh ralzaam camp ah kum 5 leng aa dor cang mi Rohingya hngakchia pawl an i tel lo tiah theih a si.
About The Author
