Homalin ah ni 3 chung kahdohnak a chuak i SAC ralkap 70 hrawng an thi
![](https://i0.wp.com/thechinlandpost.info/wp-content/uploads/2022/11/Homalin-PDF_2022-Nov-15.jpg?fit=640%2C427&ssl=1)
The Chinland Post | 2022 November 15 – Sagaing ramṭhen, Homalin peng, Pinkauk khua ah SAC ralkap, SNA le PDF phu hna karlak ah kahdohnak a chuak i SAC lei in 70 hrawng an thi tiah Moekyo PDF rianngeitu nih Khit Thit ah a chim.
November 11 zaanlei ah Homalin peng PDF nih an tlaihnak hmunhma a si mi Pinkauk khua ah SAC ralkap le SNA phufonh hna thazang tampi in an rak luh caah PDF phufonh hna he kahdohnak a chuak tiah theih a si.
Kahdohnak a chuah hnu November 13 chun sml 2:00pm hrawng ah SAC ralkap le SNA pawl Pinkauk khua ah an kir ṭhan tiah theih a si.
“Ni 11 zaanlei thok in kahdohnak a chuak i SAC ralkap le SNA hriamtlai phu an si. Ni 13 chun sml 2 hrawng ah kahdohnak a dih. Anmah lei in 80 hrawng an thi” tiah Homalin peng Moekyo PDF rianngeitu nih Khit Thit ah a chim.