Hpakan i KIA sakhaan 2 SAC ralkap nih an lak

The Chinland Post | 2022 September 13 – Hpakan peng, Shaduzuat khua pawngah a ummi KIA sakhaan 2 cu September 12 zinglei ah SAC ralkap le SAC kuttang mipi ralkap phu nih ke in kahdohnak an tuah i vanlei nih kahdohnak a bawmh chih caah an lak tiah khuami pakhat nih RFA ah a chim.

“Khawapos le Ngakampos sakhaan pahnih an kah hi a dik. Ngakampos sakhaan cu a hmete a si nain vanlawng in a rak kah. Zing ah voikhat chun ah voikhat Diwayazuat nawngmi pawngah a mer i a kah ṭhan. Jet fighter in voikhat an rat ah vanlawng pali in an kah. SAC ralkap lei in a thimi an tam caah vanlawng an auh hi a si men lai. Ke in kahdohnak an tuahmi kha KIA nih lam in an kah hna. Wakhapos ahcun hohmanh an um lo. Thawngpang an theih caah KIA nih lam in an bawh hna. Wakhapos sakhaan cu an khangh cang” tiah RFA ah a chim.

Kahdohnak hi zinglei sml 10:00am hrawng in aa thok i zaanlei sml 3:00pm tiang a rau. Shaduzuat khuate ah a ummi SAC infantry 297 battalion nih hriamngan kah a bawmh hna.

Wakhapos sakhaan cu 2022 June thla ah KIA nih a rak lakmi a si.

Na ruahning rak langhter ve.. (Leave a comment)

%d bloggers like this: