Hpapun pengkomh ah a ummi BGF sakhaan KNU nih a lak

The Chinland Post | 2022 October 17 – Karen ram, Hpapun pengkomh ah a ummi BGF phawhtikhu sakhaan cu KNU Brigade 5 KNLA nih an lak khawh i an khangh tiah KNU Brigade 5 nih a thanh.

October 14 zinglei sml 5:00am ah Butu peng, Phawhtikhu BGF sakhaan cu KNLA ralkap pawl nih an lak khawh i sakhaan chungah ralkap an um lo caah an khangh tiah theih a si.

“BGF pawl an sakhaan ah it loin hmun dang ah an it. Sakhaan lak lioah a hohmanh a um lo. Cucaah kahdohnak a chuak lo. Sakhaan cu kan khangh” tiah Major Ledu nih DVB ah a chim.

Cu bantuk in October 14 chun sml 1:00pm hrawngah Thanlyin tiva kam, Mekong tiva ah SAC ralkap nih vanlawng in a kan kah kah caah kan ralkap pakhat aa hliam i inn cheukhat zong a rawk tiah a chim.

Na ruahning rak langhter ve.. (Leave a comment)

%d bloggers like this: