Hpasawng Kahdohnak Ah SAC Ralkap 20 Leng An Thi, Hriam Tampi Zong An Lak Khawh
The Chinland Post | 2023 August 14 — Karenni ram, Hpasawng le Demoso kahdohnak pawl ah SAC ralkap a thi mi an tam i hriam tampi zong an lak khawh tiah thawng theih a si.
July 28 Karenni ram, Hpasawng kahdohnak ah SAC ralkap hriam tampi kan lak khawh tiah Demoso PDF-1102 nih thawng an thanh.
Cun August 10 le August 12 ah Demoso peng chung ah a cang mi kahdohnak pawl chung ah SAC ralkap 20 nak tlawm lo an thi i min ṭhatnak laksawng a hmu mi ralkap pawl zong an thi mi lak ah an i tel tiah an langhter.
Karenni ram lei zong ah nifatin in kahdohnak a um peng tiah Karenni peng thawngzamh pawl nih an langhter.
Adang dothlennak phu pawl nih cun kahdohnak dirhmun a daih tik ah thawng fiang kan thanh ṭhan te lai tiah an langhter ve.
