Hriamngan ruangah CDF-Hakha hriamtlai pakhat a nunnak a liam

The Chinland Post | 2022 August 25 – Chin ramkulh, Hakha khua, Timit pawnghrawng kahdohnak ah CDF-Hakha hriamtlai a simi Salai Than Hei Lian cu SAC ralkap hriamngan ruangah a nunnak a liam i mipi hriamtlai cheukhat zong hliam an tuar tiah theih a si.

“Salai Than Hei Lian a nunnak a liam timi thawngpang social platform cung a kai tlawmpal ah Hakha khua um SAC ralkap pawl cu mawṭaw 2 in Khuathar lei ah an kal colh caah thinphang in kan rak um” tiah thil sinning kong he pehtlai in Hakha khuami pakhat nih The Chinland Post ah a chim.

Cucaah mipi hna zong nih thawngpang kan theihmi kha a ran khawh chungin Social Platform cungah tar colh loin hi ca ka tarmi nih ka hawi minung a hnorsuang hna hnga maw timi kha kan ruah ngai hmasa a hau.

Hakha pawngkam ah, Timit hlei remhding timi tlangtar hmang in CDF pawl hloh ding le hmunhma tlaih khawh a timmi SAC ralkap le mipi hriamtlai karlak ah kahdohnak a fak i SAC ralkap lei 50 hrawng an thi, hriam cheukhat zong an chuh khawh hna i mipi hriamtlai cheukhat a hliammi zong an um tiah theih a si.

Na ruahning rak langhter ve.. (Leave a comment)

%d bloggers like this: