Indaw Peng Ah Non-CDM Minung 102 CDM An Tuah
The Chinland Post | 2023 December 5 — Sagaing ramṭhen, Indaw peng chung ah a um mi Non-CDM minung 102 nih CDM an tuah cang bantuk in December 23 a hnu bik rikhiah in CDM rak tuah u tiah Indaw peng PDF nih thawng an thanh.
Indaw peng chung ah ralkap kuttang rian a ṭuan mi Non-CDM pawl nih December 23 hlan ah ralkap rian nan ṭuan piak mi vialte chia ta i NUG sin ah CDM tuah ding tiah an thanh fawn.
Indaw peng PDF nih CDM a tuah mi pawl cu ṭha tein bawmhnak an pek hna leng ah dothlennak chung ah ṭha tein aa tel ko ti mi tette a ngei mi pawl cu dantatnak in an luat lai i caan karlak ah biakamnak he rian pek an si lai tiah theih a si.
December 23 hlan ah CDM a tuah lo mi poah cu phungning tein dantatnak an ing lai tiah theihternak zong an tuah fawn.
About The Author
