India-Myanmar Ramri Ah Bomrap Ruang Ah Minung 1 A Thi
The Chinland Post | 2023 September 29 — India le Myanmar ramri, Sagaing ramṭhen, Tamu peng, Yanlinphai khua ah September 28 ah pa pakhat cu caw a cawnghnak lam ah bomrap aa lamh sual i a nunnak a liam tiah theih a si.
A thi mi hi kum 30 pa Gin Min Lel a si i bomrap hi zei bantuk phu nih dah an hmanh mi a si ti cu a fiang in theih a si lo.
Tamu peng ah SAC ralkap le mipi hriamtlai hna karlak ah kahdohnak a um pah lengmang caah kaphnih lei nih an hmanh mi bomrap pawl zong a um tiah an chim.
Yanlinphai khua telh in Nanmwaita le Khun-mun-nun khuate hna in khuami pawl cu atu le atu kahdohnak ruang ah an zaam lengmang tiah thawng theih a si.
Tamu he ramri aa pehtlaihnak Kalaymyo zong ah September 28 ah bicycle in aa chawk lio mi hngakchia pakhat cu bomrap nih a puah caah a nunnak a liam tiah theih a si.