Ingyintaung Khua Pyusawhtee Sakhaan Lak Kahdohnak Ah Pyusawhtee 3 An Thi, 4 A Nung In An Tlaih Hna
The Chinland Post | 2023 June 13 — Sagaing ramṭhen, Mingin peng, Ingyindawtaung khua ah a um mi pyusawhtee sakhaan lak kahdohnak ah pyusawhtee 3 an thi i hriam he a nung in 4 an tlaih hna tiah Student’s Revolution Force nih cathanh an chuah.
June 8 zinglei sml 4:30am hrawng ah cu pyusawhtee sakhaan cu S.R.F nih an kah hna i pyusawhtee 3 an thi, Carbine M-2 zuun 1, 4.8 kuan 63, 0.30 kuan 114, phone 3 le a nung in 4 an tlaih khawh hna tiah an langhter.
“Kahdohnak hi sml 2 leng a rau, sml 1 le cheu hrawng a rauh ah an zaam hna, zaam lo in an kan kap mi chung ah 3 an thi” tiah S.R.F rianngeitu nih Khit Thit ah a chim.
A nung in an tlaih mi hna hi Kan Nyein (kum 65), Pyae Baw (kum 58), Win Oo (kum 37), Aye Swe (kum 57) hna an si tiah theih a si.
About The Author
