Kahdohnak thawng pawl khulrang in online ah tar lo ding in CNA Colonel Solomon nih a chim
The Chinland Post | 2022 October 17 – Vawlei i kahdohnak a tuahmi hriamtlai pawl an himnak caah kahdohnak thawng pawl cu khulrang in online cungah tar lo ding in CNA Colonel Solomon nih a chim.
October 14 ah an tuah mi online biaruahnak pakhat ah Colonel Solomon nih atu bantuk in a chim hi a si.
“Kahdohnak timi cu Strategy ṭha tein tuah mi a si caah online media cungah kan tar mi pawl hna hi kan ral nih an hman ṭhan tawn. Kahdohnak a chuah lioah cu bantuk in kan tar colh mi nih mipi thawngpang kan theihter colh hna tiah kan i ruah ko nain a hmun taktak i kahdohnak a tuah mi hna an nunnak zong a liam kho” tiah Colonel Solomon nih a chim.
CNA nih a thanh mi ṭha tein hngah ding le biachimnak nawl a ngeitu pawl nih phunglut tein an chim mi hngah ding in a chim fawn.
CNF/CNA cu Chin ramkulh chung hriamtlai a simi CDF phu pawl he fonh in SAC ralkap an doh cuahmah lio a si.
A luancia ni tlawmpal i Hakha le Thantlang karlak kahdohnak zong ah CNA ralkap 3 an nunnak a rak liam.
About The Author
