Kalay le Tigyaing ah SAC ralkap pawl an kah hna, 18 hrawng an thi

The Chinland Post | 2022 October 19 – Sagaing ramṭhen, Kalay peng, Kalay-Tamu lam ah SAC ralkap mawṭaw le ke in a kalmi SAC ralkap pawl an kah hna i 3 an thi tiah PDF-Kalay sin in thawng theih a si.

October 17 zinglei sml 7:30am hrawng ah Kalay-Tamu lam, mengtung 55 sakhaan in ralkap mawṭaw 2 le ke in a kalmi SAC ralkap pawl cu Kanhla khua hlei an phak lioah mipi hriamtlai nih an kah hna i 20mins tluk kahdohnak a chuak.

October 17 zinglei sml 10:00am hrawng ah Myalay tlang pawng ah SAC ralkap pawl bomrap an puah hnawh hna i SAC ralkap 3 an thi tiah theih a si.

Cu bantuk in October 17 zinglei ah Sagaing ramṭhen, Tigyaingpeng, Myataung lam tonnak ah ke 6 ngei mawṭaw in a kal mi SAC ralkap pawl cu Special.9-HPDF nih bom an puah hnawh hna tiah theih a si.

Phonkonegyi lam kuihnak ah bomrap an puah hnawh chap hna i ke 6 ngei mawṭaw a khen caah lampi ah a phei in a tap i a lulei ah a ummi SAC ralkap pawl an thi, mawṭaw hrap cheu a rawk tiah Special.9-HPDF rianngeitu nih Khit Thit ah a chim. Cun ke in an kal lioah a voithumnak bomrap an puah hnawh hna.

Cuni zaanlei sml 5:00pm hrawng ah a voithumnak bomrap an puah hnawh hna i SAC ralkap a thi mi le aa hliam mi pawl cu mizaw phor mawṭaw nih a rak lak hna i cu SAC mizaw phor mawṭaw lila cu bomrap an puah hnawh hna i himnak a lak piaktu mawṭaw le mizaw phor mawṭaw a khen tiah a chim.

“Voi 4 tiang bom kan puah hnawh hna chungah SAC ralkap 15 an thi, hliam a tuar mi zong an tam” tiah Special.9-HPDF rian ngeitu nih Khit Thit ah a chim.

Na ruahning rak langhter ve.. (Leave a comment)

%d bloggers like this: