July 25, 2024

Kalay Peng, Kantha Khua Kahdohnak Ah SAC Ralkap Ruak 3 An Lak Khawh i Meithal Zuun 20 Leng le Kuanzen Tampi An Lak Khawh

0

The Chinland Post | 2024 March 12 — Kalay peng, Kantha khua ah a rak lut mi SAC ralkap, pyusawhti le PDF phu pawl karlak, March 10 ah kahdohnak a chuak i SAC ralkap ruak 3 le meithal zuun 20 leng le kuanzen tampi an lak khawh tiah NUG Ministry of Defense nih thawng an thanh.

Thazang 80 hrawng SAC ralkap le pyusawhti phufonh pawl cu February thla chung ah SAC ralkap nih an sungh mi Kantha khua sakhaan la kho ṭhan ding in an rak luh caah kaphnih karlak kahdohnak a chuah hi a si.

Kahdohnak chung ah SAC ralkap ruak 3 an lak khawh i meithal zuun 24, kuan 1200, bomrap 2, kuanbawm 24 an lak khawh tiah theih a si.

Kantha khua kahdohnak ah Kalay pengkomh battalion pawl, Special force pawl, drone phu pawl, RKDF, HNB, S2UG, EFDF, TCDF, GRF le Kalay peng PDO hna an i bawm tiah theih a si.

About The Author

Na ruahning rak langhter ve.. (Leave a comment)