Kalay-Tamu lam cung khuate pawl SAC ralkap nih an khangh

The Chinland Post | 2022 September 20 – Sagaing ramṭhen, Kalay peng, Kalay-Tamu lam cungah a ummi khuate pawl cu mawṭaw 6 in a kalmi SAC ralkap pawl nih September 19 zing sml 8:00am hrawngah hriamngan in an kah tiah theih a si.

Thazang 100 hrawng a simi SAC ralkap pawl cu Yanlinphai khuate an phak ah a ruang um loin hriamngan an kah hi a si tiah theih a si.

“Khuate 3 an khangh, a ruang um loin an hriamngan an kah i an khangh, mipi hriamtlai pawl he kahdohnak a chuak” tiah khuami pakhat nih September 20 ah Mizzima ah a chim.

SAC ralkap pawl nih Yanlinphai khua inn 4, Khunmonnan khua inn 2, Nanmonta khua inn 4 an khangh tiah theih a si.

Cu khuate hna cu Kalaymyo in meng 70 hrawng aa hlat i Tamu he meng 15 hrawng aa hlat tiah theih a si.

Na ruahning rak langhter ve.. (Leave a comment)

%d bloggers like this: