Kalaymyo ah mino pakhat SAC ralkap nih an kahthah
The Chinland Post | 2022 August 15 – Sagaing ramṭhen, Kalaymyo, Sanmyo sang ah a ummi No.8 B.E.H.S pawng August 8 zaanlei ah pa 2 cycle in an kal lioah SAC ralkap nih meithal in an kah hna caah kum 21 a simi Ko Lin Lin Naing a thi tiah theih a si.
Ko Lin Lin Naing @ Ko Ngelay cu August 8 zaaan sml 7:00pm luan hrawngah a hawile he an chungkhat inn ah riah ding in an kal lio Kalay khua, No. 8 B.E.H.S pawngah an kah i a thihnak hi a si tiah Voice Of Kalay nih a langhter.
Cu sianginn ah hmunhma a khuarmi SAC ralkap pawl nih an cycle mei an hmuh caah an kah i a hmun ah a thi beh tiah theih a si.
Ko Lin Lin Naing hi Kalaymyo ah sam meh dan kum 4 a cawn hnuah Yangon khua ah training a kai ṭhan i Kalay a kir hnu ni 5 nak ah SAC ralkap nih atu bantuk in an kah hi a si. Amah hi Kalaymyo ah sam mehnak dawr tuah aa timmi a si i dawr khaan hlannak le a herhmi thilri a cawk dih hnu dirhmun ah SAC ralkap nih kah ruangah a thihnak a si tiah Voice of Kalay ah langhter a si.
About The Author
