Kalaymyo Covid 19 Hrik Ngei (210) Chung In Minung (143) Siizung In An Chuak Cang

Salai Khin Maung Thein| TCP-Kalay| December 6, 2020| Sagaing ramthen, Kalaymyo peng ah a voihnihnak covid-19 thlihrang ah September 10, 2020-December 5, 2020 tiang ah zawtnak hrik ngei(210) chung in minung(143) nih damnak an hmuh. A dang hrik hmuh minung (67) cu Kalaymyo itkhun (300) Siizung um Taingyin(Traditional Hospital) siizung, Kawlkulh khua mipi umnak caah sakmi innthar, Kalaymyo Siizung pi ah sii thop in Quarantine center ah an um lio tiah thawng theih a si.

“Siizung in a chuak cang mi zong dam in an um cio hna caah ngamdamnak le Lentecelhnak minister zung nih rikhiah mi ni (11) chung zawtnak hrik a lang ti lo ruangah siizung in an chuak khawh nak a si. Siizung in a chuak cang mi zong home quarantine zarhkhat erh an si than dih. Kalaymyo peng chung in Quarantine Center 19 a um cang. Khuchung Quarantine ah Kanpale, Aungthitsa, Kawlkulh, Chianmeihaungsi, Kalay University, Siangsangrun No. (1), Siangsangrun No.(8), le Tida Ku Mit sizung, Nursing School le Quarantine Facility le Shin Hone Hotel Quarantine le Santha Quarantine hna an um tiah kan theih

Yangon(Stay at home) in kalaymyo a rak lutmi cu Facility Quarantine ni(21) erh an si lai. Hmundang/peng dang a ra mi belt e cu ni (14) erh an si lai tiah Kalaymyo covid-19 pulrai runvennak chungtuan Dr. Soe Moe Htwe nih a chim.

November thla in nihin tiang Kalaymyo ah covid hrik hmuhnak tannak sang/veng hna cu Chan Myae Aung Si veng, Aung Mingalar veng, Aung Thit Sar veng, Aung Myay Man veng, That Oo Thi Da veng, Myo Tha veng, Naung Pin Thar veng, Tahan veng, San Pya Khua, Thauh Kyiant khua ah zawtnak an hmuh hna. Source: Kalay Township News/IRPD Kalay