Kalaymyo, Hmunlai Sang Ah Bom A Puak I Kum 12 Hngakchia Pakhat A Nunnak A Liam
The Chinland Post | 2023 September 29 — Kalaymyo khua hnulei, Hmunlai sang, September 28 zaanlei ah bom pakhat a puak i kum 12 hngakchia pa pakhat a nunnak a liam tiah thawng theih a si.
September 28 zaanlei sml 5:00pm hrawng ah Hmunlai sang ah a um mi Baptist Biakinn pawng ah, kahdohnak zeihmanh um lo pi in bom a puak tiah khuami hna nih an chim.
Bom puah ruang ah a nunnak a liam mi hi Pa Joseph Tluang Than Vel (kum 10) a si i sizung an kalpi lio lampi ah a nunnak a liam tiah theih a si.
Kalaymyo ni tlaklei Myohla, Indaikone khua, September 26 thawk in SAC ralkap pawl nih mipi umnak sang pawl ah hmunhma an khuar i mipi hriamtlai pawl he entainak a chuak.
September 22 zinglei sml 8:00am hrawng zong ah, Kalaymyo, Kyotungpin sang ah bom lung 3 a puah caah mipi 5 an rak i hliam.
Aa hliam mi minung 5 hi fak ngai in an i hliam hna i cheukhat hi an i thlop lai a si tiah theih a si.
About The Author
