July 25, 2024

Kalaymyo, Tahan sang ah a um mi SAC ralkap pawl nikhat chung ah voi 2 an kah hna

0

The Chinland Post | 2023 January 10 – Sagaing ramṭhen, Kalaymyo, Tahan sang ah SAC ralkap pawl PDF-Kalay Urban Guerrilla phu nih voi 2 an kah hna tiah thawng theih a si.

Tahan sang ah a um mi Duwaichaung lam ah aa chawk mi SAC ralkap pawl cu January 9 zinglei sml 9:00am ah voikhat, chun sml 11:00pm ah Waisali lam kam ah a um mi SAC ralkap pawl cu voikhat tiah a zapi te voihnih an kah hna tiah PDF-Kalay nih a thanh.

“Duwaichaung lei ah kahdohnak kan tuah. Aa chawk mi SAC ralkap pawl kha bomrap kan puah hnawh hna. SAC ralkap pawl nih kah ruang ah mipi pakhat a nunnak a liam” tiah  PDF-Kalay rianngeitu nih People’s Spring ah a chim.

Duwaichaung i kahdohnak chung ah SAC ralkap 3 nak tlawm lo an thi tiah an thanh.

Waisali sizung pawng kahdohnak zong ah a thi mi an um ko nain fehter khawh a si rih lo tiah an chim. SAC nih an kah thlorhnak ruang ah innchung ah a um mi mipi pakhat a nunnak a liam.

A nunnak a liam mi hi Kalaymyo car gate ngeitu a si i hmun a phiah lio ah SAC ralkap kuan nih a khen i a nunnak a liam hi a si tiah theih a si.

About The Author

Na ruahning rak langhter ve.. (Leave a comment)