June 17, 2024

Kani Peng Ah SAC Tilawng 3 Mipi Ralkap Nih An Kah

0

Salai Mang Pau | 2023 September 13 — Sagaing ramṭhen, Kani peng ah SAC ralkap tilawng 3 cu September 11 ah mipi ralkap nih an  kahd hna i SAC lei a thi mi an um tiah theih a si.

‘SAC ralkap caah riahcaw le hriamnan phur tilawng 3 cu HkamHti peng lei a rak kai lio ah mipi ralkap nih lam ah an kah hna.  Mah tilawng hi HkamHti peng in lunghring cawhnak hmun tiang kal ding aa tim mi a si caah kan kah hna” tiah Union Liberation Front (UFL) in hruaitu Ko Naing Lin nih a chim.

“Mipi ralkap lei in kutser bomb le zen in kan kah hna. SAC ralkap a thi mi an um. Mipi ralkap lei 1 a nunnak a liam i 2 hliam an tuar. Mah tilawng hi SAC company U Paing Company Limited nih HkamHti Lunghring khur ah hman ding riahcaw le thilri pawl a phorhter mi tilawng a si caah kan kah hna hi a si” tiah Ko Naing Lin nih a chim chap.

Mah kahdohnak ah Union Liberation Front (ULF) le Monywa Underground Guerrilla Force (M.U.G.F) phu hna le khua pawngkam mipi ralkap fonh in an kah hna. Mipi ralkap lei nih an kah mi hriam-kuan cu tilawng chung a tla/puak ko nain SAC lei a thi mi le hliamtuar mi minung zat cu theih a si lo tiah VOA Burmese nih a ṭial.

About The Author

Na ruahning rak langhter ve.. (Leave a comment)