Kanse Khuate Pyusawhtee Sakhaan Lak Kahdohnak Ah Palek 2 An Thi, Pyusawhtee 12 A Nung In An Tlaih Hna
The Chinland Post | 2023 June 15 — Sagaing ramṭhen, Chaung U peng, Kanse khuate ah a um mi pyusawhtee sakhaan cu PDF phufonh pawl nih an lak khawh i kahdohnak chung ah palek 2 an thi, pyusawhtee 12 a nung in an tlaih hna tiah We Must Win Guerrilla phu nih an thanh.
June 13 zinglei sml 6:00am hrawng ah Chaung U khua hnulei ah a um mi Kanse khuate pyusawhtee sakhaan cu zinglei sml 10:30am hrawng ah an lak khawh i pyusawhtee 5, nu 7 a nung in an tlaih hna tiah theih a si.
Kahdohnak chung ah We Must Win Guerrilla phu, Monywa pengkomh B05, B15, Bandula phu, Myinmu hliatsii phu, ONE LPDF, le adang PDF phu pawl fonh in kahdohnak an tuah hi a si i an tlaih mi pyusawhtee pawl kha hrem lo tein le ṭha tein peng PDF phu sin ah an ap tiah theih a si.
About The Author
