Karen Ram Kum 2 Chung Ah Kahdohnak voi 1,000 Leng Kan Tuah Tiah KNDF Chairman Nih A Chim
The Chinland Post | 2023 June 1 — Karen ram kum 2 chung ah kahdohnak voi 1,000 leng kan tuah i SAC sin in hriamngan le meithal 600 leng kan lak khawh tiah KNDF Chairman Khun Be Du nih a chim.
2023 May 31 ah a si mi KNDF an dirnak kum 2 a tlin ni bia chimnak ah atu bantuk in a chim hi a si.
“Kum 2 chung ah KNDF nih kahdohnak 1,000 leng kan tuah. Cu kahdohnak chung ah hriam 600 leng kan lak khawh. Sakhaan 10 laknak zong ah KNDF kan i tel ve. Battalion kip ṭhithruainak le hriam chuahnak/cawknak zong kan ṭhangcho chin. Kahdoh ningcang le kan thiamnak zong a ṭhangcho chin” tiah a chim.
Mipi hna hramhram uknak tang in kan luat khawhnak hnga tiah kahdohnak ruang ah a nunnak a liam mi KNDF hriamtlai 153 an um cang tiah a chim fawn.
Atulio hi Karenni (Kayah) ram ah SAC nih Brigade 3 leng le battalion tampi hmang in kahdohnak a tuah cuahmah lio a si.
About The Author
