Kawkareik Khua Luhnak SAC Ralkap Gate le SAC Ralkap Sakhaan Drone In Bom An Thlak Hna I 5 An Thi
The Chinland Post | 2023 August 28 — Karen ram, Kawkareik khua luhnak ah hmunhma a khuar mi SAC ralkap pawl le Kawnuai khuate ah a um mi SAC ralkap pawl Drone in bom an thlak hnawh hna i 5 hrawng an thi tiah Cloud Wings Drone phu nih sin in thawng theih a si.
August 26 zinglei sml 8:20am le zinglei sml 9:30am hrawng ah Kawkareik khua luhnak Asia lam kam ah an sak cuahmah lio mi datsi dawr ah hmunhma a khuar mi SAC pawl le Kawnuai khuate chung ah hmunhma a khuar mi SAC sakhaan hna cu 107MM bom, 60MM bom hna hmang in Drone in bom an thlak hna caah SAC ralkap 5 hrawng an thi, 10 hrawng fak ngai in an i hliam tiah theih a si.
Kahdohnak chung ah KNLA, Cloud Wings, Special Operation Group hna bawm in SAC ralkap pawl an kah hna hi a si.
SAC lei nih 120MM le 81MM lung 50 leng hmunkip ah an kah caah khuami pakhat cu hriamngan nih cun a hliam tiah theih a si.
About The Author
