Kawkareik Peng Ah A Um Mi SAC Ralkap Hriamngan Umnak Le Battalion Pawl Kahdohnak Ah 8 An Thi
The Chinland Post | 2023 June 26 — Karen ram, Kawkareik peng ah a um mi SAC ralkap hriamngan umnak tlangbo le Battalion pawl an kah hna i 8 an thi, tampi an i hliam tiah Kyaphyu phu nih an thanh.
Kawkareik peng ah a um mi SAC ralkap hriamngan pawl an sersiamnak Bawdikone cu June 24 zaanlei sml 4:30pm hrawng ah Kyaphyu phu Captain Puaidaw hruainak in Southern Eagle PDF, Kyaphyu C4, C5 (Justice Soldier) hna bawm in 60MM in an kah hna tiah theih a si.
Kahdohnak ruang ah SAC ralkap 3 an thi i 6 an i hliam tiah theih a si.
Cun June 23 zinglei sml 11:00am hrawng ah Kyaphyu phu nih Kawkareik khua ah a um mi SAC Infantry 97 cu 60MM in an kah ṭhan hna i cozah rianṭuantu pawl an umnak tualchung a tlak caah 5 an thi i 7 an i hliam tiah theih a si.
Kawkareik peng ah Kyaphyu phu, Naga Ni phu, Naga phyu phu, Dawna phu le SOF hna nih SAC ralkap Battalion, Sakhaan le tlangbo pawl an doh lengmang hna tiah theih a si.
