Kawkareik Peng Le Kyainseikgyi Peng Kahdohnak Ah SAC Ralkap 10 An Thi
The Chinland Post | 2023 August 22 — Karen ram, Kawkareik peng le Kyainseikgyi peng ah SAC ralkap le PDF hna karlak ah kahdohnak a chuak i SAC chungtel 10 an thi tiah NUG Ministry of Defense nih a thanh.
A luancia August 15 ah Kyainseikgyi peng, Tankhundai khuate ah a um mi palek sakhaan cu PDF pawl nih an kah hna i SAC chungtel 4 an thi tiah a langhter.
Kahdohnak ah PDF, Naga Ni phu le KNLA hna an i bawm tiah theih a si.
Cubantuk in August 16 ah Kawkareik peng, Yuathitkone le Kyaukpon khua ah SAC ralkap le PDF pawl an i kap i SAC ralkap lei 6 an thi 3 an i hliam tiah NUG MOD nih a langhter.
August 16 zinglei sml 8:00am in 9:00am tiang sml 1 hrawng kahdohnak a chuah hi a si i PDF phufonh lei an him tiah an thanh.
About The Author
