Kawl ralkap nih van in kahdohnak a tuah ruangah Myanmar rammi 600 leng Mizoram ah an zaam
The Chinland Post | 2022 September 7 – India le Myanmar ramri ah SAC ralkap nih van in kahdohnak a tuah hnu September 1 thok in India, Mizoram ah Myanmar ralzaam a phan tharmi an um tiah NDTV nih a ṭial.
August 21 zing ah AA nih SAC Infantry 61 cu Varung khua ah an rak kah hna.
Mizoram, Lawngtlai pengkomh, Zorinpui khua pawngah kahdohnak vanlawng a zuan kha an hmuh tiah a ṭial.
August 31 zing sml 10:00am hrawngah a voikhatnak bom an thlak i 12mins a rauh hnuah adang pakhat tiah a zapi te bom lung 7 an thlak tiah a chim. Cubantuk in bom thlak hnawh an ton hnuin Varung khuami hna innlo kaltak in himnak ah an zaam.
Chun ah AA le SAC ralkap karlak ah kahdohnak a chuak i Varung khuami hna zong an zaam thluahmah. Eidin, an ngeihmi thilri, innzuat saṭil hna zong kha tilawng an phorhter i Mizoram ah an zaam.
September 5 tiang an lak khawhmi cazin ning ahcun, bom puah hnuin Varung khuami a zaammi 619 cu Laitlang khua le Zochawchhuah khua ah an i dor hna tiah theih a si.
About The Author
