Kayingyi Khuate Ah A Um Mi Pyusawhtee Sakhaan PDF Nih An Lak, SAC Ralkap le Pyusawhtee 16 An Thi
The Chinland Post | 2023 April 6 — Taninthary ramṭhen, Launglon peng, Kayingyi khuate ah a um mi pyusawhtee sakhaan cu PDF phufonh nih ni 2 chung an kah hna i sakhaan an lak khawh, SAC ralkap le pyusawhtee 16 an thi tiah LLLPDF nih a thanh.
March 6 zinglei sml 7:15am hrawng ah Kayingyi khuate ah a um mi pyusawhtee sakhaan PDF phufonh nih an kah hna i kahdohnak sml 5 hrawng a rauh hnu ah PDF nih 40MM in voi 40 an kah, Sniper nih 2 a thah hna tiah an langhter.
Pyusawhtee sakhaan ah bawmhnak pek ding in SAC tinbaw a raa mi cu PDF pawl nih 40MM in voi 10 an kah, cu ni kahdohnak ah SAC ralkap 6 an thi tiah theih a si.
March 7 zinglei sml 9:30am hrawng ah SAC ralkap le PDF hna kahdohnak a chuak, SAC ralkap 60 hrawng aa tel mi SAC ralkap mawṭaw pawl pyusawhtee sakhaan an rat lio zinglei sml 10:00am hrawng ah bomrap an puah hnawh hna i Vigo mawṭaw 1 a khen caah a cung i a um mi hriam pawl an puak, SAC ralkap 10 an thi tiah theih a si.
Kahdohnak chung ah LLPDF, DGRF le YPPDF hna bawm in kahdohnak an tuah tiah theih a si.
About The Author
