Khamaukgyi ah Pyusawhtee hruaitu an kah, meithal zuun 2 zong an lak
The Chinland Post | 2023 February 2 — Taninthary ramṭhen, Kawthuong pengkomh, Kawthuong peng, Khamaukgyi peng ṭhen, Mayan khua February 1 zinglei sml 6 hrawng ah pyusawhtee hruaitu chang pakhat cu PDF nih an va kah i meithal zuun 2 zong an lak khawh tiah Kawthuong peng PDF sin in thawng theih a si.
Khamaukgyi peng ṭhen Mayan khua ah pyusawhtee hruaitu chang U San Tin Aung cu a umnak inn ah an fim i bawmh ding a ra mi SAC ralkap 60 deng hrawng cu Palatkhua hlei pawng ah Kawthoung peng PDF phu nih bonrap an puah hnawh hna i SAC ralkap 8 an thi, 6 an i hliam tiah Kawthoung PDF phu nih an thanh.
Cu Pyusawhtee hruaitu sin in M16 A1 zuun 2, kuanbawm 1, kuan 28 le namte sau 3 an lak khawh tiah an thanh.
About The Author
