Khampat Le Tamu Ramri Ah Kahdohnak A Fak
The Chinland Post | 2023 August 30 — Sagaing ramṭhen, Khampat le Tamu ramri ah a um mi Htinzin khua le Bohkan khua karlak ah hmunhma a khuar mi SAC ralkap pawl cu PDF nih August 28 zinglei ah an kah hna, SAC lei nih vanlawng hmang in kahdoh a rak bawmh hna tiah theih a si.
Malu lamṭhen ah a um mi YCDC zung chung ah hmunhma a khuar mi SAC ralkap pawl cu Tamu hrambunh National Liberation Army (NLA) nih August 28 zinglei sml 5:15am hrawng in 7:00am tiang an kah hna hi a si. Kahdohnak chung ah SAC ralkap 1 a thi tiah an thanh.
Malu khua pawng chun sml 12:00pm hrawng ah Mi 35 in kahdoh a rak bawmh hna hnu ah Helicopter 2 in ralkap a rak chiah hna tiah theih a si. Tada-Oo vanlei ralkap nih Jet fighter in kahdoh a rak bawmh hna tiah thawng theih a si.
Malu khua, August 18 ah kahdohnak a fak i zaan sml 8:30pm hrawng ah SAC nih vanlawng in a rak kah hna tiah theih a si.
Cucaah mipi hna nih Kalay-Tamu (Asia lam), Kanmagyi-Bohkan lam hman rih lo ding in NLA nih nawlnak an tuah.
Hmanthlak – A luancia March thla ah Tamu peng sakhaan an lak lio
About The Author
