Kindaw Khua Pawng PDF Sakhaan An Luh Hnawh Hna, PDF Chungtel 12 An Nunnak A Liam
The Chinland Post | 2023 June 26 — Sagaing ramṭhen, Sagaing peng, Kindaw khua pawng ah a um mi PDF sakhaan 1 cu SAC ralkap pawl nih June 25 zinglei ah an luh hnawh hna i PDF chungtel 12 an thah hna, hriam zuun 12 le kuanzen pawl an lak khawh tiah Mizzima nih a langhter.
SAC ralkap pawl cu June 25 zinglei ah Mandalay ramṭhen, Ngazun khua lei in Irrawaddy tiva ah tilawng cit in tiva an rak tan hnu ah sakhaan an rak luh hnawh hna hi a si tiah theih a si.
SAC leiṭang Telegram Channel pawl ahcun M-22 zuun 12, 40MM 1, 79 Launcher 1, Sniper 1, M-22 kuan 4,950, 7.62 kuan 59, 107 Missile 2, 40MM bom lung 80, kuanbawm 33, Grenade 12, Uniform 12, Icon 1 hna SAC ralkap nih an lak khawh tiah an langhter.
About The Author
