KNU Brigade 5 Hmunhma Ni 3 Chung Kahdohnak Ah SAC Ralkap 7 An Thi
The Chinland Post | 2023 June 12 — Karen ram, KNU Brigade 5 hmunhma, ni 3 chung ah kahdohnak voi 10 a chuak i SAC ralkap 7 an thi tiah KNU thawngzamh nih a langhter.
June 6 zinglei sml 9 :15am hrawng ah riahcaw a rak phor mi SAC ralkap pawl cu Luthaw peng, Balalu hmunhma ah voikhat, Hawkawhta hmunhma ah voikhat, zinglei sml 10:00am hrawng ah Phalatkhu hmunhma ah voikhat le Tayaw hmunhma ah voikhat tiah an kah hna. Cubantuk in Dwailu peng ah a um mi Phalungdu le Htikasawme ah voihnih tiah a zapi voi 6 an kah hna i SAC ralkap 3 an thi, riahcaw phor mawṭaw 1 le Stallion 4 an hrawh khawh tiah theih a si.
Cubantuk in June 5 zinglei sml 4:45am hrawng ah Butu peng chung ah a um mi Kawkawhta ah voikhat, Luthaw peng ah a um mi Mawlukhe ah voikhat le Tahwaikyo ah voikhat tiah a zapi voi 3 an kah ṭhan hna i SAC ralkap 3 an thi tiah theih a si.
June 4 zinglei sml 7:00am hrawng ah Dwailu peng ah a um mi SAC ralkap nih hmunhma an khuarnak Mewai sakhaan cu KNLA B101 nih an kah hna i SAC ralkap 1 a thi, 1 aa hliam tiah theih a si.
Ni 3 chung ah kahdohnak voi 10 a chuak i SAC ralkap 7 an thi, KNU Brigade 5 ralkap pawl him tein an kir kho tiah theih a si.
About The Author
