Kokang Hmunhma Kahdohnak Chung Ah Ralkap MOC No. 12 Brigadier General A Thi
![](https://i0.wp.com/thechinlandpost.info/wp-content/uploads/2023/12/MOC-12-Brigadier-General-an-thah_2023-Dec-7-scaled.jpg?fit=640%2C360&ssl=1)
The Chinland Post | 2023 December 7 — Shan ram chaklei, Kokang hmunhma kahdohnak chung ah ralkap MOC No. 12 bawicem Brigadier General Aung Zaw Lin a kah i a thi tiah MNDAA nih an thanh.
MNDAA nih Kokang hmunhma chung ah aa thup mi ralkap bawi ngan le ralkap pawl an fim lengmang hna i ralkap MOC No. 12 bawicem Brigadier General Aung Zaw Lin zong an fim khawh tiah theih a si.
Kokang hmunhma ah a tang mi ralkap pawl cu MNDAA nih December 6 ah an fim thluahmah hna i a thi mi ralkap ruak pakhat an hmuh, cu ruak cung ah Brigadier General rank hmahthahnak an hmuh caah a thi mi hi MOC No. 12 bawicem Brigadier General Aung Zaw Lin a si tiah an fehter i amah hi ralkap University Batch 41 ah a dih mi a si tiah Khit Thit nih a langhter.