Kum 85 Tang Tar Hna Zong Bawmhnak Pek Mi Cazin Ah Khumh An Si Cang Lai

TCP-Thantlang|2019 October 10| Thlachiar te kum 85 cung tar pawl bawmhnak pek mi cu kum 85 cung lawng bawmhnak pek si lo in kum 85 tang tar hna zong nih bawmhnak an hmuh khawh ve nak ding caah cozah nih timhtuahnak an ngei tiah theih a si.

Kum upa a bik in Pension hna cu 2017-2018 budget kum ah kum (90) in a cunglei tarnu/pa hna cu cozah nih thlathum danah 30000 in bawmhnak pek a rak thok. Cun 2018-2019 kum ah tarnu/pa hna cu kum (85) ri in cunglei tiin a thumh piak than hna i ara lai mi Budget kum zongah kum 85 tang deuh in thumhpiak than ding zong cozah nih timhtuahnak kan a ngeih hi a si.

Kum 85 cung hna cu thlakhat ah 10000 in thlathum dan ah pek an si i a ralai mi budget kum ah cun tangka umtu ning zohhnu ah kum thumh piak dingin le bawmhnak tangka zong chapdeuh ding in timhtuahnak ngeih a si” tiah ramkomh vuanci U Thein Swe nih a chim.

Cozah nih 2018-2019 tangka kum ah kum 85 in a cunglei tarnu/pa minung 168578 bawmh an si cang i a tangka in 5 Billion leng bawmhnak a pek cang hna. Cuchungah khuate um mi deuh an tam i Magway, Pago, Mandalay, Sagaing, Irrawaddy le Yangon ramthen hna ah an tampi tiah theih a si. (Ref:7day News) +++