July 25, 2024

Kyaikdon Byuha-kone KNLA Phufonh Nih An Lak

0

The Chinland Post | 2024 March 15 — Karen ram, Kyainseikgyi peng, Kyaikdon peng um SAC Byuha-kone cu March 14 ah an kah i an lak khawh tiah ralram kahdohnak um mi nih Mizzima ah an chim.

Kyainsekgyi peng in meng 20 aa hlatnak ah a um mi Kyaikdon SAC byuha-kone sakhaan cu January thla dongh thawk in KNLA Brigade 6 nih an kulh hna i March 12 in kah hram an thawk. March 14 chun sml 3:30pm hrawng ah tlamtling tein an lak khawh tiah a chim.

Cu byuha-kone kham khawh nakhnga SAC nih vanlei in bom voi tampi a thlak tiah theih a si.

Cun Kyaikdon sakhaan in SAC ralkap hriam, kuanzen pawl an lak khawh i an tlaih mi hna zong a um tiah Mizzima nih a fehter.

Cun SAC leiṭhang Telegram Channel pawl zong nih Kyaikdon byuha sakhaan cu KNLA nih an lak cang tiah an ṭial.

Kyaikdon byuha-kone hi Thai le Myanmar ramri ram a si mi Kyainseikgyi-Kyaikdon-Paikalan-Ongphan lam cung ah a um i cu byuha-kone hi 1997 thawk in ralkap nih fek tein hmunhma an khuarnak a si i kum 27 a si cang mi sakhaan pakhat a si.

About The Author

Na ruahning rak langhter ve.. (Leave a comment)