Kyaukme ah TNLA le SAC ralkap karlak ah kahdohnak a chuak, SAC ralkap 15 hrawng an thi i hriam zong an lak khawh
The Chinland Post | 2023 February 21 — Shan ram, Kyaukme peng ah TNLA sakhaan lak ding in kahdohnak a tuah mi SAC ralkap le TNLA karlak ah kahdohnak a chuak i SAC ralkap 15 an thi, hriam pawl zong an lak khawh tiah TNLA nih a thanh.
February 20 zinglei sml 7:30am hrawng ah SAC ralkap le TNLA phu karlak ah kahdohnak a chuak, Laashio hrambunh SAC Infantry 68 in SAC ralkap 60 hrawng nih Khung khuate pawng ah a um mi TNLA sakhaan an rak kah caah TNLA nih an doh ve hna hi a si.
Kahdohnak a chuah lio zinglei sml 8:00am hrawng ah SAC vanlawng 1 le Helicopter 1 in an rak kah hna tiah theih a si.
Kahdohnak chung ah meithal zuun 2, Machine Gun 1, RPG 1, Grenade le raltuknak thilri pawl an lak khawh i sml 2 leng a rau mi kahdohnak chung ah SAC ralkap 15 an thi, 5 an i hliam tiah theih a si.
About The Author
