Lailenpi Khua Kahdohnak Ah SAC Ralhrang 4 An Th, Hliampu An Tam
Salai Mangpau | July 9, 2023 |
Chinramkulh, Matupi peng, Lailenpi khuachung July 8 kahdohnak ah SAC lei in mi 4 le mi 5 hlei nih hliam an pu tiah CDF-Mara nih an chim.
July 8 chun hnu ah CDF-Mara Battalion 3 umnak Lailenpi khuachung ah suimilam cheu chung kahdohnak a chuak.
“A bik in kan nih phu cu Dohthlennak a tuah mi hraim tlai kan si. SAC ralhrang uknak a dohtu kan si ruang ah mah khuachung kahdohnak kan tuah hi a si” tiah CDF-Mara biachimnak nawl ngei tu sin in theih a si.
“SAC ralhrang nih khuachung mipi an hrocer lengmang, zuu an ri, an duh paoh in meithal an puah hi a voi a tam cang” tiah CDF-Mara nih an chim. SAC nih mipi umnak ah hriamngam, hrianhme in an kah ruang ah khuachung minu pakhat a thi, inn 2 a kaang tiah an chim.
CDF-Mara le SAC hi hlan zong ah Lailenpi khua pawngkam ah kahdohnak voi 2 a um bal cang. Chinram mipi ralkap ṭangrual he fonh in an kah hna tiah thawng theih a si.
A liamcia May thla lio ah SAC ralkap 70 hrawng cu Matupi in Lailepi lei ah rallam an sial. A luancia June 11 lio ah Gangaw lei in a rak kai mi SAC ralkap 70 hrawng cu, Zotung ram Yansi khua lei panh in an kal. Matupi peng ah rallam a sialmi SAC ralkap pawl le Tanrual phu fonh hna cu June 22 zanlei sml 2:00-4:00 tiang Lailenpi khua pawng an i kah hi a si.
“ Ṭangrual hawi Matupi lei in Zotung peng, Hakha-Thantlang kar (Timit-Lungkhar) lei ah ramchung mipi ralkap hna he SAC kan doh” tiah biachimnak nawl ngei tu sin in theih a si. Kahdohnak a umnak hmun paoh ah mipi lei zong nih ralring tein um le ral thawngpang hlat in a himnak hmun lei i ṭhial ding in CDF-Mara nih thawngthanhnak a tuah.
About The Author
