Madaya ah SAC ralkap thil chantu mawṭaw 1 an tlaih i kuan tampi an lak khawh
The Chinland Post | 2022 December 20 – Mandalay ramṭhen, Madaya peng ah SAC ralkap pawl caah thil a phor mi mawṭaw 1 cu December 16 ah an tlaih i kuan tampi le raltuknak thilri cheukhat an lak khawh tiah Madaya PDF nih an thanh.
Mawṭaw hi mipi pakhat nih a ngeih mi a si i a mawngtu zong mipi sawhsawh a si caah mawṭaw cung thilri pawl an lak hnu in mawṭaw le a mawngtu cu an thlah ṭhan tiah an thanh.
Cu mawṭaw cung in kuan tampi, Camera 1, phone 9, Power Bank 2, namte tawi le a sau mi 3 an lak khawh tiah an langhter.