Matupi khua luhchuahnak lam pawl SAC ralkap nih an awn ṭhan cang

0

The Chinland Post | 2022 October 11 – Chin ramkulh thlanglei, Matupi khua cu a luancia September 19 thok in SAC ralkap nih khua luhchuahnak an rak phih i October 8 ah an awn ṭhan tiah khuami hna nih RFA ah an chim.

Matupi khua luhnak Matupi-Paletwa lam, Matupi-Hakha lam, Matupi-Mindat lam hna cu SAC ralkap nih gate an tuah i mi umkalnak an rengh tuk caah Matupi khua eidin telh in zeibantuk thil hmanh phorh khawh a si lonak hi zarhthum deng a si cang tiah khuami hna nih an chim.

A luancia September thla dongh hrawng ah Matupi khua pawng ah SAC ralkap le CDF-Matupi karlak ah kahdohnak a chuah hnuin SAC ralkap nih khua luhchuahnak an phih bantuk in khual tlawnnak nawl le thil phorhnak nawl zong rii an rak khiah.

October 8 thok in Matupi khua luhchuahnak pawl umkal khawh a si ṭhan cang i Gangaw lei in thil phor mawṭaw pawl zong an rak lut kho cang tiah khuami nih RFA ah an chim.

Asinain Matupi khua kiangkap ah SAC ralkap nih thandar a sen tete an bunh mi pawl a um rih i kahdohnak thawng zong atu le atu a thang tiah theih a si.

About The Author

Na ruahning rak langhter ve.. (Leave a comment)

%d bloggers like this: