Matupi peng ah kahdohnak a chuak ṭhan, SAC ralkap 4 an thi, 8 hrawng an i hliam

The Chinland Post | 2022 September 26 – Chin ramkulh, Matupi peng ah CDF-Matupi le SAC ralkap karlak ah kahdohnak a chuak i SAC ralkap a thimi an um tiah CDF-Matupi nih a thanh.

Matupi khua le Ngalai khua karlak September 25 zinglei sml 8:30am-11:00am tiang sml 2 leng kahdohnak a chuak i SAC ralkap 4 an thi, 8 nak tlawm lo an i hliam.

CDF-Matupi hriamtlai pakhat zong fak ngai in a hliam tiah theih a si.

CDF-Matupi le SAC ralkap karlak ah September 24 thok in kahdohnak a chuak cang.

Matupi hrambunh Infantry 140 nih Matupi-Hakha lam cungah hmunhma zohfelnak an ngeih caah kahdohnak a chuah hi a si i September 24 kahdohnak ah SAC ralkap 3 an thi i hliam a tuarmi zong an um tiah CDF-Matupi nih a thanh.

Na ruahning rak langhter ve.. (Leave a comment)

%d bloggers like this: