July 25, 2024

Maungdaw Peng, Aungthapyay Um BGF Sakhaan AA Nih An Lak

0

The Chinland Post | 2024 March 13 — Rakhine ram, Maungdaw peng um SAC Aungthapyay um BGF sakhaan cu an lak khawh cang tiah AA nih thawng an thanh.

Maungdaw khua chaklei ah hriam chiah in a sungpe duh lo mi BGF sakhaan cheukhat zong AA nih an kah thluahmah hna i Aungthapyay BGF sakhaan cu March 11 ah tlamtling tein an lak khawh hi a si.

SAC kuttang pawl ruak, hriam cheukhat pawl an lak khawh tiah hmanthlak he thawng an thanh i hriamngan, hriamhme phuntling zuun 40 leng AA nih an lak khawh kha hmuh khawh a si.

Cu BGF sakhaan in Bangladesh lei ah a zaam mi BGF 179 an um tiah an langhter.

SAC nih Aungthapyay sakhaan chung ah an zaam tak mi riahcaw pawl ah poison (အဆိပ်) an neh hna, ti bawm chung ah an peih hna, sakhaan chung zong ah poison an kah caah dothlennak phu pawl nih lak khawh mi eidin pawl kha i ralrin ngai a hau tiah AA nih an thanh.

About The Author

Na ruahning rak langhter ve.. (Leave a comment)