Maungdaw sakhaan lak kahdohnak ah SAC ralkap 13 an thi, 4 a nung in an tlaih hna i hriam tampi an lak

The Chinland Post | 2022 September 12 – Rakhine ram, Maungdaw peng SAC LIB 352 sakhaan cu September 10 zinglei sml 7:00am hrawngah AA  ralkap nih an kah hna i sakhaan an lak lengah SAC ralkap 13 an thi, 4 an nung in an tlaih hna i hriam tampi an lak khawh tiah AA nih September 10 ah a thanh.

Cu Cingchaung-Kupikyaw lam cungah a ummi SAC sakhaan cu Buthidaung hrambunh SAC LIB 352 a si i AA nih kahdohnak an tuah hnuah an lak beh tiah theih a si.

Cun September 10 ah AA nih Cingchaung-Kupikyaw lam cungah a ummi SAC sakhaan cu an lak bantuk in mengtung 40 le 30 kar medaih khua pawngah a ummi SAC sakhaan zong AA nih a rak lak.

AA nih a laknak SAC sakhaan pawngkam cu van in bom a thlak i September 10 zinglei zongah Jet Fighter pakhat in bom a thlak chap tiah theih a si.

AA nih Maungdaw thlanglei ah a ummi SAC sakhaan pawl a kah caah SAC ralkap nih hriamngan kah an bawmh i kahdohnak vanlawng pawl in chun le zaan bom a thlak caah kaphnih in a thimi an tam tiah raltuknak hlathlaitu pawl nih an chim.

Maungdaw peng ah August thla thok in kaphnih karlak kahdohnak pehzulh in a fah caah ramri khuate pawl himnak ah an zaam.

Atulio ah SAC nih Maungdaw thlanglei cu SAC ralkap nih lam pawl an phih, phone line pawl a phih i AA ralkap zong nih SAC i a biapimi byuha a simi Taungpyu byuha, Khamaungseik byuha, Commander in Chief a amah pumpak nih a tlangtlaknak ah Cingchaung byuha le Kyiganpin Headquarters pawl bawmh khawhnak lam pawl an kulh i an phih dih tiah theih a si.

Na ruahning rak langhter ve.. (Leave a comment)

%d bloggers like this: