Mawluu Khua Cu KIA Hruai Mi Dothlennak Phu Pawl Nih An Lak
The Chinland Post | 2023 December 13 — Sagaing ramṭhen, Indaw peng ah a um mi Mawluu khua cu KIA, PDF, ABSDF telh in dothlennak phu pawl nih an lak khawh cang tiah ABSDF rianngeitu nih Khit Thit ah a chim.
December 13 zinglei sml 2:00am hrawng ah Indaw peng, Mawluu khua ah a um mi Mawluu palek sakhaan telh in ralkap pawl cu KIA, PDF, ABSDF telh in dothlennak phu pawl nih an kah hna i zinglei sml 6:00am ah Mawluu khua cu tlamtling tein an lak khawh hi a si.
“Zinglei sml 2:00am in kah hram an thawk i zinglei sml 6:00am ah Mawluu khua cu tlamtling tein kan lak khawh. Zinglei sml 7:00am hrawng ah Jet Fighter nih bom voi 2 a rak thlak. 1 hi a puak lo. Kanmah lei hriamtlai pawl kan him” tiah ABSDF rianngeitu nih cun Khit Thit ah a chim.
Mawluu khua lak kahdohnak ah ABSDF, KIA, PDF, PDO hna an i bawm tiah theih a si.
Sagaing ramṭhen Kawlin, Khampat, Sgwepyaeaye khua pawl cu dothlennak phu pawl nih an lak hnu ah Mawluu khua zong an lak hi a si.
About The Author
