Mekhaṭha Sakhaan Lak Kahdohnak Ah SAC Ralkap 20 Hrawng An Thi, Hriam Zuun 20 Hrawng An Lak Khawh
The Chinland Post | 2023 March 30 — KNU Brigade 5 hmunhma, Myanmar-Thai ramri ah a um mi SAC Mekhaṭha sakhaan lak kahdohnak ah SAC ralkap lei in 20 hrawng an thi i hriam zuun 20 hrawng an lak khawh tiah KNU nih a thanh.
March 28 zinglei ah Mekhaṭha sakhaan cu KNLA Brigade 5 nih an kah i sml 1 hrawng kahdohnak a rauh hnu ah an lak khawh hi a si. SAC hruaitu Min Aung Hliang nih PDF le PDF a bawmtu tlangcung hriamtlai pawl ka hrawh cikcek hna lai tiah a tlerkhawn hnu nikhat a rauh ah KNLA Brigade 5 nih atu bantuk in SAC ralkap sakhaan an lak hi a si.
Salween Press zong nih Mekhaṭha sakhaan lak kahdohnak chung thil sinng le ralkap a thi mi pawl kha an langhter ve.
Kahdohnak chung ah SAC ralkap 20 hrawng an thi kho i SAC ralkap cheukhat zong Thai lei ah an zaam tiah theih a si.
About The Author
