Mindat Ah Coffee Carternak Sehzung An Chiah Pinah Coffe Wine Zong An Chuah Chih Lai

TCP-Thantlang| 2019 July 4| Chin ramkulh Mindat khua ah avoi khatnak bik Horn Bill Chin Coffee carternak sehzung an chiah pin ah Coffee Wine zong tuahchih dingin timhtuahnak an ngei tiah kan theih.

Hi rian cu Denmark cozah nih Kawlram SME (a niam deuh mi sipuazi tuahnak) caah bawmhnak a pek mi a si i Responsible Busi-ness Fund (RBF) caah sing 192 dih in a tubantuk in an tuah hi a si. Hi hmun ah a chuak mi cu ramchung ramleng ah kuat ding zong timhtuah a si.

“Hi sehzung cu a luancia thla ah khan kan tuah cang. Atu ni tiang ah Horn Bill Chin sehzung nih a chuah mi Coffee a dip, Coffee a mu in sermi Wine hna cu riantuan kan thok cang. Ramchung ramleng ah kan kuat hna lai. Chin ram he Quality a tha i aa tlak ngaimi Cherry he fonhtonh in chuah mi Coffee zong zuarzamh ding timhnak ngeih a si” tiah Horn Bill Chin sehzung lutlai Salai Mang Hung nih a chim.

Mah sehzung ah hin Coffee lawng si lo in a dangdang zong carter khawh an si. Hi sehzung nih voikhat carter ah cuai 560 tluk  car khawh a si tiah kan theih.

Cinthlaknak zung nih thanh ningah Chin ramkulh ah Coffee phun 18 cin a si cang i hi chungah ekah 1000 leng Coffee an cin cang tiah theih a si.

Ref: Democracy Today

Leave a Commnet

%d bloggers like this: