Mindat Ah Kahdohnak A Chuak I SAC Ralkap 10 An Thi, SAC Nih Vanlawng 2 In Bom Voi 7 A Thlak
The Chinland Post | 2023 June 28 — Chin ramkulh, Mindat peng, Shweaungthayar khuate, Naw pura tlang pawng ah kahdohnak a chuak i SAC ralkap 10 nak tlawm lo an thi tiah CDF-Mindat nih cathanh a chuah.
June 26 zinglei sml 7:20am hrawng thawk in 8:30am tiang, Shweaungtha khuate, Naw pura tlang pawng ah SAC ralkap le CDF-Mindat karlak ah kahdohnak a chuak i SAC ralkap 10 nak tlawm lo an thi, tampi hliam an tuar i CDF-Mibdat hriamtlai pakhat thinphan awk um tuk lo in aa hliam ve tiah an cathanh ahcun langhter.
Kahdohnak a chuah hnu ah SAC ralkap nih zinglei sml 9:40am thawk in 10:00am tiang Jet Fighter 2 in bom voi 7 a thlak ko nain CDF-Mindat lei an him tiah theih a si.
Cubantuk in Mindat khuachung zong ah SAC ralkap le CDF-Mindat karlak ah kahdohnak a chuak. SAC lei a thi mi dirhmun bel a fiang in theih a si rih lo tiah CDF-Mindat nih an langhter.
About The Author
